THE LAME FISHERMAN—HIS EPIC RECITAL CELEBRATING PELE
Project Gutenberg EPUB3 edition
Emerson, Nathaniel Bright
Honi i ke ala o ka hala,
O ka lehua o Mokau-lele;31
Oia ka Pele a kui la.
He kunana hale ka Pu’u-lena,
He hale moe o Papa-lau-ahi,
He halau no Kilauea.
Elieli, kau mai!
Haule mai Pele mai Kahiki mai;
O ka hekili, o ke ola’i, o ka ua loku,
O ka ua páka o Ha’i-ha’i-lau-mea-iku
O na wahine i ka wao o Mau-kele, la.
Ho mai ana Pele li’u la, e;
Au miki, au huki ka ale kua loloa;
Nu’anu’a ka moana i ka lili32 o Pele:
O ke ’Kua nui ke ku’i la iluna o ka lani;
Wahi’a ka papa ku, ka papa i ao’a,
Ka papa a Kane ma i he’e ai i Maui.—
Ka Haili-opua,33 ke ’Kua o ka La.
A Wai-a-kahala-loa34 i akea.
Elieli, kau mai!
O Wa’a35 ka i naná i ka auwa’a lawaia
Ku kapa kai, e Kohala,
O ke ’Kua lapu, e Pu’u-loa,
Ke uwalo la i ka mea hele;
Ke Akua kui lehua o Kua-o-ka-la,
Kui mai ana i Maka-noni;
Ka la pu’u, la helu o pua36 la’a;
Ka la aku ho’i, e Kahuoi, i ka uka anu.
E olohe Ko’e-ula,37 e mauna mai ana
Ka hikina o ka La o Kumu-kahi ma.
E haliko a’e ana ka a’ama,38 lele hihe’e;
O Kohala ke kaula’i ’na la,
E ka la pumehana ole o ka po;
O ka la pe’39 ai, o ke ao kau aku iluna
I ka malama, la.
Elieli, kau mai!
He make no Aua’a-hea, i kalua ia
I ka pua’a aohe ihi40 ka lau ahea—
Ka ipu kaumaha a ke Akua,
Ka mamala kapu a na hoali’i.